Titħabbar il-mewt ta’.... l-oppożizzjoni

Dan il-blog għandu aħbar esklussiva. L-anqas it-Times m'għandha il-kuraġġ toħroġ din l-aħbar.

Lejlet l-ewwel tas-sena nirċievi e-mail.

Bagħtli Giovanni u deher irrabjat ħafna għalija.

Kiteb li jiena nazzjonalist ġidra u tuba għax qatt ma kritikajt il-munita tal-euro u l-effetti tagħha. Kiteb li dan il-blog mhux vera jservi bħala alternattiva ta’ l-oppożizzjoni. Imma li dan il-blog huwa sempliċiment attakk konta l-partit laburista u konsegwentement kontra Alfred Sant.

Giovanni beda jinsisti li l-partit laburista huwa l-aħjar għażla għat-tmexxija tal-pajjiż, għax hu biss jista’ jirtira lura lill-munita euro, li għal Giovanni tfisser it-tradiment tal-pajjiż, u ma setax jonqos li jtemm l-e-mail tiegħu “Viva l-Labour”.

Giovanni, jidher iddispjaċut ħafna li se jitlef il-lira maltija u dan il-blog weħel ma’ rasu. Jiena biex inserraħlu rasu bagħtlu tweġiba lura u għedtlu biex jagħmlu fuq ONE TV. Giovanni bagħtli lura u qalli li l-maltemp kissirlu l-antenni u t-televiżjoni tiegħu weħel fuq in-NET TV kull darba li jagħmlu ONE TV.

Jiena erġajt bagħtlu lura u stidintu jħares fuq in-naħa ta’ fuq tax-xellug, biex jara sew fuq liema stazzjon qiegħed. Giovanni bagħtli lura u qalli li aħna n-nazzjonalisti rnexxielna nagħmlu dirottament fuq l-istazzjon tal-partit laburista u reġa’ ffirma “Viva l-Labour”.

L-iżball żgħir ta’ Giovanni kien fl-użu tas-sentenza li kellha tkun: Il-partit laburista rnexxielu jiddirotta lilu nnifsu.

Minn ħabba din il-politika bla mexxejja, flok lil Socrates, spiċċajt nikkwota lil Norman Lowell f’intervista lill-mibkija Maltafly: “Kellu penalty u rnexxielu jagħmel goal fil-lasta tiegħu stess.”

Lejlet l-ewwel tas-sena, l-istazzjon tal-partit laburista: xandar programm bi preżentaturi u ġurnalisti li attwalment iservu lill-istazzjon tal-partit nazzjonalista.

Probabbli riżultat tal-wegħda quddiem l-inkwadru tal-madonna ta’ Jason Micallef biex ma jitlifx postu.

Fil-programm kien hemm il-prim ministru, il-mara tiegħu li nzertat nazzjonalista u l-ministri nazzjonalisti jfaħħru lill-isforzi tal-gvern u jispjegaw il-miġja ta’ l-ewro. L-unika oppożizzjoni kienet l-ATM li rrifjutat li tagħti l-euros lill-prim ministru.

Dan kollu fuq l-istazzjon tal-partit laburista. Dak li Giovanni jħallas donazzjoni għalih darbtejn fis-sena u t-tielet darba biex f’għeluq sninu jiktbu ismu waqt Kalamita.

L-aħbar esklussiva li l-ebda ġurnalist għadu ma ħareġ hija, li definittivament: titħabbar il-mewt ta’ l-oppożizzjoni. Dik li l-poplu jħallas it-taxxi għaliha. L-unika raġuni li għada tiġġerra barra hija għax ma hemmx biżżejjed spazju fl-Addolorata.

L-ispazju huwa riżervat kollu għall-ideoloġiji.

L-elezzjonijiet f’Malta ma jispiċċaw qatt. Biex meta tivvota partit awtomatikament tkun qed tivvota lill-ieħor. Klassi politika li tilfet l-edukazzjoni u klassi elettorali li tilfet il-kultura tal-politika.

Partit wieħed li jxandar il-lotteriji, is-solidarjetàjiet u s-seigniorage.

Il-partiti politiċi huma n-nassa tal-ġurdien.

L-elettorat li jivvota bla sens kritiku. Inklużjoni ta’ delegati li ilhom jiddiskutu l-istess problemi għall-50 sena fuq bażi ta’ ġlied u insulti personali. Jimrad wieħed mill-avversarji, u toħroġ l-ipokrisija tas-solidarjetà. Meta ħarġu li kien marid bl-alkoħol, Linux operating systems biss ħareġ juri solidarjetà.

Malta għandha politika tassew bil-bajd.

Il-partit nazzjonalista huwa l-bajda tal-lemin. Il-partit laburista huwa l-bajda tax-xellug u l-elettorat bejn il-bajd jiġi trattat bħal ras ta’ żobb : u jippreżentawlhom l-istess togħma ta’ pastizzi b’ forma differenti.

Il-partit laburista għax mejjet, għadu ma xammx kemm se tiswielu iżjed euros is-solidarjetà tan-nazzjonalisti.


Biex tikteb kumment dwar l-artiklu, “Titħabbar il-mewt ta’....l-oppożizzjoni": għafas hawn.