Meta tal-petrol biegħ bil-euro

Ir-raġuni li Malta kellha tidħol bil-fors fil-euro hija l-Amerika.

Immaġinaw li għandkom ħafna dejn imma kuljum tagħmlu cheques ta’ miljuni ta’ dollari li m’għandkomx. Biex tixtru it-tieni karozza lussuża, dar fuq il-bajja barra minn Malta, safra kull sena madwar id-dinja.

Ic-cheques tagħkom jibqgħu ma jiswew xejn imma jħallukom tixtru l-affarijiet kollha li tridu peress li dawn qatt ma jaslu l-bank! Għandkom ftehim mal-propjetarji ta’ xi ħaġa li kulħadd jixtieq, bħal per eżempju petrol u gas, u skond dan il-ftehim; il-propjetari għandhom jaċċettaw ic-cheques tiegħek biss bħala forma ta’ ħlas. Dan ifisser li kulħadd irid jagħmel użu kummerċjali bic-cheques tiegħek ħalli jkunu jistgħu jużawhom biex jixtru affarijiet oħra.

Toħroġ cheque biex tixtri television, il-propjetarju tal-ħanut imur iħallas il-petrol u l-gas bic-cheque tiegħek. Tal-petrol jużah biex jixtri l-ħaxix u tal-ħaxix jużah biex jixtri l-ħobż u l-furnar jużah biex jixtri t-tqiq u l-istorja tibqa’ sejra mingħajr qatt ic-cheque ma jmiss mal-bank.

Għandkom dejn kbir, imma sakemm ic-cheque ma jasalx il-bank, m’għandkomx għalfejn tħallsu. Prattikament it-television xtrajtuh b’xejn. Din hija l-pożizzjoni ta’ l-Amerika li gawdew minnha iżjed minn tletin sena. Sfruttaw il-kummerċ dinji għal dan iż-żmien kollu. Irċevew sussidju enormi minn kulħadd. Għalkemm id-dejn baqa’ jikber, riedu joħorġu iżjed cheques biex ikomplu jagħmlu n-negozji tagħhom. Għalhekk huma potenza ekonomika.

Sakemm darba, wieħed li għandu pompa tal-petrol qal li se jibda jaċċetta cheques mingħand ħaddieħor. Oħrajn jaħsbu li din hija idea tajba. Jekk it-tendenza tinxtered, mhux se jkun hemm talba għaċ-cheques tiegħek li se jmorru dritt il-bank. Ġa la darba m’għandkomx biżżejjed flus biex tonoraw ic-cheques kollha: se jkollkom problemi kbar.

Id-dollari mogħtija mill-Amerika (iċ-cheques maħruġa), se jibdew jiġu preżentati għall-ħlas, u tiġi eliminata l-illużjoni ta’ valur li kienet tappoġġjahom. Is-sitwazzjoni ekonomika reali ta’ l-Amerika qegħda tgħum fil-fond ta’ ilma: huma n-nazzjon l-iżjed imdejjen tad-dinja. Iridu jħallsu 12-il elf dollaru għall kull individwu mill-280 miljun ta’ rġiel, nisa u tfal. Jinsabu f’pożizzjoni agħar mill-Indonesia.

Mhux vera min jgħid li l-Amerikani ma sabux l-armi tad-distruzzjoni tal-massa fl-Iraq. Sabuhom fil-kexxun ta’ l-iskrivanija ta’ l-uffiċċju ta’ Saddam Hussein. Sabulu l-istarter pack ta’ l-HSBC.

Qabel l-invażjoni ta’ l-Amerika, is-sitwazzjoni fl-Iraq kienet li l-Iraqqini bdew ibiegħu ż-żejt bil-euro f’Novembru 2000 meta l-euro kienet tiswa 82 ċenteżmu. Dak iż-żmien din id-deċiżjoni ġiet kunsidrata bħala att ta’ provokazzjoni politika mhux tas-soltu imma fir-realtà kienet deċiżjoni finanzjarja ntelliġenti ħafna.

Fl-2001, l-ewro kellu gwadann ta’ 25% fuq id-dollaru. Għall-Iraq kien tassew gwadann finanzjarju.

L-Iran bagħtet sinjali li riedet tadotta l-euro bħala valur għall-kuntratti taż-żejt tagħha u fl-2003 il-Venezuela, produttur importanti taż-żejt, adotta miżuri biex jgħaddi għall-euro. Il-pajjiżi l-oħra ta’ l- OPEC ( Organisation of the Petrolium Exploring Countries ) dehru li se jieħdu l-istess eżempju. Fil-konferenza ta’ l-OPEC li saret fl-iSpanja fl-14 ta’ April 2002, il-pajjiżi membri iddiskutew il-possibilità li jibdew jikkwotaw bl-ewro.


Meta f’Mejju 2004, l-unjoni ewropa twessgħet għall-10 pajjiżi ġodda, fosthom Malta, f’dak il-mument l-Ewropa bdiet tikkonsma 33% żejt iżjed mill-Amerika. Għalhekk l-unjoni ewropea obbligat lill-membri l-ġodda li jridu jadottaw l-euro, irrilevanti l-effetti fil-pajjiż u l-affarijiet li l-pajjiż irid jagħmel biex ikun jista’ jidħol fiż-żona ta’ l-euro.

Dan sar bl-għan li l-Ewropa tkun tista’ tistabilixxi rapporti kummerċjali reċiproki ma’ l-OPEC u jagħmlu pressjoni qawwija fuqhom biex in-negozju jsir bil-euro.

Il-gwerra ta’ l-Iraq ma kinitx kontra l-Iraq imma kontra l-unjoni ewropea. Għalkemm l-invażjoni permanenti ta’ l-Amerika fl-Iraq biex jikkontrollaw li ż-żejt jinbiegħ bid-dollaru, xorta waħda Malta baqgħet għaddejja biex tiddaħħal il-euro ma’ l-ewwel okkażjoni biex il-Gonz ikun jista’ jaqta’ ż-żigarella li waqqgħatu għan-nejk.

L-applikazzjonijiet għall-militari ħerġin dal-waqt.


Biex tikteb kumment dwar l-artiklu, “Meta tal-petrol biegħ bil-euro": għafas hawn.