Memomosesswali ( 1 )

- L-ewwel parti -

Memorandum tal-knisja lill-partiti politiċi dwar il-familja: Żwieġ b’Saħħtu.

Il-knisja toħroġ memorandum favur il-familja lill-partiti politiċi għal qabel l-elezzjoni. Parti mill-memorandum:

“Għalhekk qed nipproponulkom li fil-Programm Elettorali, b’konvinzjoni, twiegħdu lill-poplu Malti li tagħtu prijorita lill-familja. U b’familja nifhmu: l-għotja ta’ xulxin imfissra bir-rabta sal-mewt, mibnija fuq iż-żwieġ ta’ bejn mara u raġel għall-imħabba u l-għajnuna ta’ xulxin kif ukoll għat-tnissil u t-trobbija ta’ l-ulied.”

David Casa jista’ jserraħ rasu.

Ir-Ratzinger ma jonqosx li jgħid tiegħu fl-ewwel jum tas-sena 2008:

Iż-żwieġ bejn l-omosesswali huwa ostaklu għall-paċi fid-dinja.

Naħseb li l-unika raġuni li l-ebda omosesswali dikjarat ma bgħatt lir-Ratzinger u lil Cremona jeħduh f’sormhom huwa għax jibżgħu wkoll li jeħdulhom dak id-dritt!

Imma għaliex għandi nkun jien jaħasra li dejjem nieħu l-ewwel pass? Jiena għandi xogħol u familja: ma nistax nibgħat lill-knisja teħdu f’sormha! Ma nistax jien! Għandi familja u xogħol x’insalva! Almenu l-omosesswali familja sa issa għad m’għandhomx (mertu tal-knisja) u jekk għad fadallhom familja: maġġoranza tagħhom ma taħmilhomx (mertu tal-knisja). U jekk għandhom xogħol, jiġu diskriminati (mertu tal-knisja).

Ir-Ratzinger għandu raġun: l-omosesswalità u ż-żwieġ tagħhom huma ostaklu għall-paċi. Għall-Ratzinger dawn jiffavurixxu l-paċi:

01. Il-krimini sesswali
02. George W. Bush
03. Iż-żwieġ u l-abolizzjoni tad-divorzju
04. Il-karta blu għall-immigranti
05. Il-papa mobile
06. L-esportazzjoni tad-demokrazija
07. Is-satira: imma jekk biss tolqot kull reliġjon mhux kattolika
08. Is-sagrifiċċji u r-rinunzi
09. Is-sess protett
10. L-eżenzjoni tat-taxxa tal-vatikan
11. Iddur mad-dinja tippretendi li inti l-kap ta’ l-iStat
12. Tqabbel il-gwerra ma’ l-abort
13. Tqabbel il-mafja ma’ l-abort u tinċita li l-abort joqtol iżjed nies mill-mafja
14. Il-propjetà tal-knisja jiġu ċentri ta’ l-informazzjoni dwar il-euro
15. Tilbes kappell sabiħ
16. Projbiżmu tas-sess anali
17. Il-kannabis
18. Pinochet huwa kriminali imma Castro, Mao u Pol Pot ma jagħmlux ħsara
19. L-għatu tal-loki miftuħ
20. Il-poplu lluppjat
21. Min jaqbel ma’ l-olokawst
22. Il-partit nazzjonalista
23. GOD TV
24. Il-karnival
25. L-evoluzzjoni
26. Eileen Montesin
27. Il-Budget
28. L-iskejjel obbligatorji
29. L-orġi
30. L-inkwiżizzjoni
31. Patri Montebello ma jiktibx għall-sitt xhur
32. Il-fidili u l-pellegrini
33. Iż-żejt
34. Il-bank tal-vatikan
35. Il-non masturbazzjoni
36. Id-dehebijiet tal-knisja
37. Ġuża u Padre Piju
38. Iċ-ċensura fuq Norman Lowell


Mela darba kien hemm omosesswali u mar ikellem lil Cremona meta laħaq isqof, liebes ta’ żagħżugħ bl-istess daħqa ta’ Gonzi, u talbu jieħu pożizzjoni pożittiva dwar l-omossesswali. Cremona daħaqlu u dan l-omosesswali baqa’ bla tweġiba. Qallu biss li se jaħseb fuqha. U fil-fatt ħaseb fuqha bil-memorandum li bagħat lill-partiti politiċi.

L-omosesswali joħorġu petizzjoni biex jieħdu d-drittijiet tagħhom u l-knisja toħroġ memorandum bla ebda bżonn ta’ firma demokratika.


Qishom David u Gulija, bid-differenza li Gulija, ħdejn David, huwa raġel sew.


- tmiem l-ewwel parti -


Biex tikteb kumment dwar l-artiklu, "Memomosesswali ( 1 )": għafas hawn.