Il-hackers ma jiklux crackers

“Pornografija tat-tfal, hacking, il-firxa ta’ viruses malizzjużi, frodi minn informazzjoni elettronika u dħul illegali fil-privatezza huma biss ftit eżempji ta’ kriminalità li l-Internet qiegħed jaffaċċja llum.”

- Gov.mt


Hacker mhuwiex kriminal.

Kriminali huma dawk li jagħmlu diżinformazzjoni u dawk li jikkuppjawha.

Kien Bill Gates, fondatur tal-Microsoft, li ttimbra lill-hackers bħala pirati ta’ l-informazzjoni. Probabbli għax kienu huma li kitbu l-UNIX operating system meta t-twieqi kienu għadhom magħluqa.

Il-hackers ma jħobbuhiex il-fama. Jiena m'inix hacker.

Iħobbu joħolqu software. Dak li l-ġurnalisti jsejjħu hacker għandu jissejjaħ cracker.

Il-hacker huwa persuna li jieħu gost jagħraf id-dettalji tas-sistemi ta’ programmazzjoni u kif ikabbar il-kapaċitajiet tal-programm. B’differenza ta’ nies li jużaw is-sistema li jippreferu jitgħallmu mill-inqas, u xi kultant l-anqas l-inqas, u jqabbdu lill-hacker għal kull problema banali. Il-hacker huwa kurjuż, iħobb l-għarfien tal-kultura u jħobb isir jaf u dejjem jaf li ma jaf xejn.

Il-hackers kienu jeżistu qabel l-Internet, u wara l-Internet it-terminoloġija saret popolari. Hacker jindika li hemm iżjed minn persuna waħda jew kategorija ta’ persuni li ma japplikawx biss fl-informatika, imma wkoll f’affarijiet oħra.


Gruppi oħrajn ta’ nies jużaw il-kelma hacker: imma mhumiex. Dawn it-tip ta’ persuni jfittxu l-gost tagħhom billi jinvadu web-sites u sistemi telefoniċi. Il-veru hackers, isejjħu lil dawn l-individwi: crackers u jqisuhom għażżenin, irresponsabbli u mhux intelliġenti.

Mhix sempliċi li tidħol ġos-sigurtà ta’ web-site imma dan il-fatt ma jagħmilx “ġenju tal-computer.” Bħal ma tistax issejjaħ inġinier, bniedem li jaf jixgħel karozza bla ċavetta u bħal ma tistax issejjaħ ministru tal-kultura, wieħed li jmur fit-teatru bil-biljett kumplimentari.

Hacker huwa bniedem li jibni. Cracker iħott. Pratikament l-istorja li rnexxielu jevita Gonzi.

Hacker isolvi l-problemi tiegħu u ta’ ħaddieħor. Hacker jisma’ l-problemi ta’ ħaddieħor u jipprova jsib soluzzjonijiet. Juri solidarjetà. Il-komunità hacker hija fundata fuq ir-rispett tal-kapaċità reċiproka u fuq il-firxa ħielsa ta’ l-informazzjoni.

Il-hackers huma misruqa minn isimhom. Mill-crackers ta' l-informazzjoni. Bħal Ulissi moderni: illum isimhom huwa Ħadd.


Hemm bżonn li xi ħadd ikellem lil Austin Gatt: ifehmu x’inhu hacker, ifehmu x’inhu Unix u jfehmu x’inhija t-teknoloġija.

Biex tikteb kumment dwar l-artiklu, “Il-hackers ma jiklux crackers": għafas hawn.