Francis għadu ħaj

Tinkwitawx! Francis għadu ħaj. Hija l-kultura li hija mejta.

Il-partit laburista ra lil Francis ibaxxi rasu waqt laqgħa ta' l-unjoni ewropea u ħasbu li ħalliena. Grace Borġ laħqet xtrat il-fjuri oriġinali!

Il-partit laburista għamel kopji ta’ l-istqarriji tas-solidarjetà tan-nazzjonalisti u flok Fredu kiteb Francis. Is-segretarju laburista ħaseb li se jkollu jerġa’ jbiddel l-istrateġija tiegħu.

Bl-għibien ta’ Francis, l-ispekulazzjoni li Gonzi se jħabbar id-data ta’ l-elezzjoni ma kienet spekulazzjoni xejn.

Imma xejn minn dan. Francis għadu magħna! Kull ma għamel huwa li ħa nagħsa qasira minnħabba l-vjaġġ twil li kien għamel fuq spejjeż tiegħu personali, bħas-soltu.

Il-brand Malta uman xorob biss ftit brandy żejda!

"Francis, għandu d-diċenza li ma jibbloggjax waqt il-ħin tax-xogħol bħal sieħbu Pullicino. Jibbloggja fis-1.27a.m. u ġieli fis-1.35a.m. u ftit sigħat wara lejl fuq l-internet: irid ikun l-uffiċċju jaqdi dmirijietu kulturali. Min jaf x’xogħol ta’ kwalità joħroġ minn dak l-uffiċċju! Fil-fatt għal Francis, in-Notte Bianca għalih huwa fattur personali iżjed milli nazzjonali."

- paragrafu mill-artiklu “Tixrobx!” tal-21 ta’ Diċembru 2007

Kieku Francis sema’ minn dan il-blog u bil-lejl flok jibbloggja, joqgħod jitkellem bil-facebook, ħalli fil-għodu, mill-ministeru, flok iħaddem il-facebook, jaħdem biex iġib erba’ turisti f’Malta li ma jkunux qraba tiegħu: ma kienx ikun bi ngħas f’din il-laqgħa ta’ l-unjoni ewropea:

Kemm tagħfas play.

Dan il-blog jiddedika poeżija għall-Francis għall-okkażjoni. Il-poeżija tista’ tiġi kantata mal-mużika tal-video hawn fuq, immexxija mill-Maestro Riccardo Muti, ħabib intimu ta’ Francis.

Nispera biss li Francis, ma jħossux kommoss iżżejjed.

Il-poeżija li għandek tkanta mal-video hawn fuq (mill-00:24 sekonda –il quddiem) hija din:


Francis! Grazias!
Francis, Graceis!

Tinkwitax, Francis
Għax illum mhux int biss
Rieqed raqda nobis
Fuq dar il-poplu, inkiss inkiss.

(xxxxxxx!)

Tinkwitax, ministru
Fl-ewro ma hemmx kunflitt
Vjaġġa u l-poplu isirqu
Mingħajr bżonn li taqta’ għad-dritt.

Għażiż bniedem tal-kultura
Neħħi s-sufan minn widnejk
Inti fil-lingwi titfagħhom lura
Urihom Francis, li m’intix tan-nejk.


Jekk trid tisma’ din il-poeżija kantata live, trid tagħfas hawn.

Dan il-blog jiskuża ruħu għall-leħen stunat li ntagħżel imma l-Barokka ddeċidiet li tagħmel strajk-to-rule u mhux se tieqaf minnu qabel ma’ I.M. Beck jitlobha apoloġija biex hija tkun tista’ taħfirlu f’isem l-imħabba u l-fidi.

Il-Barokka qegħda tistenna l-apoloġija minn I.M. Beck! Ma tistax tgħid li l-impossibbli jseħħ u tibda wkoll tintona!

informazzjoni:
Studio Delo, Slovenja

Biex tikteb kumment dwar l-artiklu, "Francis għadu ħaj": għafas hawn.