Il-Bloggers Maltin jiltaqgħu

Jacques Renè Zammit kellu ħames ideat straordinarji:

1. Li jagħmel blog.

2. Biex ikun jista’ jagħmel riklam lill-blog tiegħi fil-blog tiegħu.

3. Stieden lili u lill-sħabi kollha u lill-familja kollha tiegħi fl-ikla li organizza għall-Bloggers Maltin għas-Sibt, 22 ta’ Diċembru 2007.
Il-kont kollox fuqu.

4. Ħoloq komunità komuni għall-Bloggers Maltin.

5. Ma baqgħax jgħix Malta.

Skond Fr. Peter Serracino Inglott, il-blogger Malti mill-Lussemburgu, Jacques Renè Zammit, ixaqleb lejn in-nazzjonalisti. Zammit jidher li ma ħax gost b’dan il-kumment għalkemm ħa gost li ssemmiet il-bloggata tiegħu fuq it-Times of Malta minn persuna meqjusa mportanti mill-poplu Malti li għandu bżonn lil Inglott biex jifforma opinjoni.

Fl-istess intervista ankè l-blogg ta’ Robert Micallef ġie assoċċjat mat-twemmin tal-partit laburista. Ma nafx kif ġietu din l-idea peress li Micallef huwa wieħed miż-żewġ u nofs laburisti li jitkellmu b’mod intelliġenti dwar l-unjoni ewropea.

Robert Micallef kellu wkoll mumenti ta’ iżjed intelliġenza.

Jacques Renè Zammit għandu raġun jikteb dwar dawk li jagħmlu n-nazzjonalisti biss u jiena għandi raġun nikteb kontrihom biss għal fatt li l-oppożizzjoni mhi tagħmel assolutament xejn la biex tgħid favuriha u l-anqas kontriha, għalkemm is-silenzju tagħha dwar it-trattat ewropew kien ġenoċidju suwiċidali. Mill-bqija kull ma tagħmel din l-oppożizzjoni huwa li ddur il-monti tieħu b’idejn in-nies biex jaraw jekk il-moxtijiet ħomor ta’ Fredu għolewx xi ċenteżmu.

Inglott qal ukoll li l-blogs ta’ Micallef u ta’ Zammit jistgħu ikollhom influwenza kbira fuq il-vot ta’ l-elettorat fuq partit partikolari. Bir-rispett kollu lejn Jacques u Micallef, il-maġġoranza ta’ l-elettorat f’Malta jaqliblu fuq l-Smash/GOD TV meta fuq il-PBS jagħmlu l-aħbarijiet bl-Ingliż. U jekk għandhom il-multiplus, jaraw lin-nanna Pina fuq U-TV.

Nemmen li Jacques mhuwiex nazzjonalist.

Minn riċerka profonda u l-qari bejn il-linji tal-blog(s) ta’ Jacques, ir-riżultat huwa li l-blog prinċipali tiegħu ixaqleb lejn Harry tal-ħodor.


inizjattivi ta’ Jacques Renè Zammit, blogger :

Tnax –il siegħa vjaġġ mill-Lussemburgu għall-ajruport ta’ Ħal-Luqa biex jattendi l-ikla laqgħa ideata minnu. Jekk forsi jipprova jmur fl-ajruport tal-Gudja, jasal f’għaxar sigħat.

Din il-laqgħa tal-bloggers se ssir is-Sibt, 22 ta’ Diċembru 2007 fit-8.00p.m. u jistgħu jattendu għaliha l-qarrejja tal-blogs, il-bloggers u l-ħbieb. Total: tista’ tiġi waħdek mal-ewwel.

Il-post huwa Vittoria Band Club fil-Mellieħa.

Għafas hawn għall-mappa tal-Vittora Band Club. - Google Maps.


It-tieni inizjattiva hija komunità tal-bloggers Maltin: http://blogmalta.ning.com/.

F’din il-komunità l-bloggers jistgħu jitkellmu direttament bejniethom ankè meta l-blog ta' xi ħadd minnhom ikun ħa nagħsa qasira; jistgħu jagħmlu riklam tal-blog tagħhom, ta' l-artikli partikolari u kif ukoll jista’ jkun mezz ġdid biex tgħabbi għax hemm in-nisa bloggers il-ġmiel tagħhom. Imma bħas-soltu: rġiel hemm ħafna iżjed.

Nixtieq niltaqa’ ma’ dak li qal li hawn iżjed nisa minn irġiel. Probabbli kien l-istess wieħed li ġietu l-idea li jagħmel film porno b’mara waħda ma’ sebat irġiel.

Prosit taż-żewġ inizjattivi.

Jekk għall-laqgħa jiġi George Pullicino nkun nista' nagħmel dibattitu serju miegħu mingħajr ma l-kummenti jigu ċċensurati.

Il-blogs huma l-unika alternattiva demokratika għall-monopolju partiġġjan ta’ l-istazzjonijiet u gazzetti.

in-nies li jixtieqhom jattendu l-laqgħa u nieħu ritratt magħhom:
Wendy FB – La delirante ( bankiera ).
Claire Bonello ( studenta tal-liġi ).
Maressa Zahra ( bankiera tal-futur ).
Malta Girl ( miżżewġa ).

L-oħrajn m’għandhomx għaliex jiġu.

mill-arkivji tal-blog ta' Jacques Renè Zammit:
Must be a boob.
Crystal Balls.

mill-arkivji tal-blog ta' Robert Micallef:
Il-Korrida Għall-Ewropa.
Unchanging Slavery.