L-inġustizzja hi l-istess għal kulħadd

Politiku għandu jkollu valuri għolja li jiddeċiedi li joffri l-għarfien tiegħu, il-passjoni tiegħu, għaraq jew sempliċiment impenn profond biex jissolvew il-problemi, jiġu kreati sitwazzjonijiet ġodda u jiffaċċilità l-ħajja tal-poplu.

Persuna li tixtieq tagħmel il-ġid tissejjaħ missjunarju. Fejn sempliċiment il-fatt li jagħti jdejh lill-persuna waqt li jkun qed tmut bil-ġuħ, ankì jekk għall mument żgħir, dik l-aħħar minuta ta’ ħajja denja li tissejjaħ tali.

Xogħol il-politiku huwa propju li ma joqtolx bil-ġuħ lil dik il-persuna. Meta jagħmel il-liġijiet, u m’għandux strumenti biex jiġu applikati, il-politiku jkun qed jagħmel ix-xogħol tal-buffu mbeċilli.

Jekk dak li qatel tnejn minn nies, insibu Paceville jixrob birra ħames snin wara, forsi hemm xi ħaġa li mhix taħdem sew.

Jekk ma’ Anthony Mifsud ġustizzja għada ma seħħitx wara 25 sena, forsi hemm xi ħaġa li mhix taħdem sew.

Jekk dak li nstab ħati li għandu l-passatemp li jsawwat lill-oħtu ħareġ jiġġerra barra mill-għada li nstab ħati, forsi hemm xi ħaġa mhux taħdem sew.

Jekk dak il-qassis li jħobb jilgħab mat-tfal insibu jqaddes il-funeral ta’ wieħed maqtul, forsi hemm xi ħaġa li mhux taħdem sew.

Jekk dak l-immigrant li nstab ħati li stupra tfajla ta’ sbatax –il sena, wara sitt xhur narah jittanta n-nisa l-Belt maġenb ix-xarabank, forsi hemm xi ħaġa mhux taħdem sew.

Jekk dak li ttraffika d-drogi nsibu jżomm l-ixkupa lill-oħtu waqt li tkun qegħda taħsel l-art tal-qorti qabel ma jidħol fl-awla, forsi hemm xi ħaġa li mhix taħdem sew.

Jekk raġel isawwat kummissjarju tal-pulizija u jeħel multa ta’ Lm75.00ċ (€ 175.467ċ), forsi hemm xi ħaġa mhux taħdem sew.

Jekk ċittadin jibgħat e-mail lill-pulizija u flok il-kontentut fl-e-mail; jiġi investigat iċ-ċittadin li bagħtha, forsi hemm xi ħaġa li mhix taħdem sew.

Jekk isir rapport lill-ETC li hemm ħaddiem jaħdem b’mod illegali u l-ħaddiem ikun jaf minn qabel li ġejjin l-ispetturi għalih, forsi hemm xi ħaġa li mhix taħdem sew.

Jekk dak li ordna l-maħfra presidenzjali lill-kriminal illum huwa l-attwali president ta’ Malta, forsi hemm ħafna affarijiet li mhux qed jaħdmu sew.

Il-president ta' Malta qisu bħal dak li seraqli l-istereo mill-karozza u sena wara laħaq DJ.

Il-kundannat fil-ħabs għandu jkun ta’ gwadann finanzjarju għall-poplu u mhux nefqa. Jaħdem tmien sigħat bħall-iskjavi moderni tutelati bil-liġi tax-xogħol, u jaqla’ l-paga tiegħu. 50% tal-paga biex jixtri ilma u ikel. 20% tal-paga ifaddallhom. 30% taxxi li jinkludu l-ħlas tal-ħabs. Kerha, Dawl, ilma, gwardjani u digital cable.

Jekk il-piena ma tkunx massima u l-ħabsi jingħata ċans ta’ rijabilitazzjoni fis-soċjetà, se tkun iżjed faċli għalih ma jiltaqax ma’ diskriminazzjonijiet u juri l-work experience tiegħu lill-interviewer.

Ir-responsabbli għandu jħallas il-kont u mhux il-vittma!